Mga Signos
Blog : Kwento ni Kat
Sa Barrio Tuyo
Meron akong kwento
Tungkol Sa Barrio Tuyo
Taong dalawang libo’t dalawampu
Kung saan ang tubig ay nauubos na
At ang tao’y uhaw sa tuwina
Sa Kusina
Si bunsong nauuhaw
Kinuha ang softdrinks na di malinaw
Ininom, tsaka nagtanong sa kuya
Kuya,ang tubig noon, ano po ang itsura?
Walang lasa
Pero pinakamasarap sa iba
Mas gusto mo pag malinaw
At walang iba pang kulay na lumilitaw
Hindi tulad ngayon, tubig na pampaligo
Sa ibang lugar pa kinukuha, di pa klaro
Kuya, yung tubig na iniinom,magkano ba?
Isang libo ang isang 500 ml, sagot ng isa
Ang mahal nga ng presyo
Minsan lang natin mabili, kapatid ko
Sa Sala
Habang nanonood ng T.V.
Ang kanilang ateng mahilg sa teleserye
Ano ba ang istorya
Ng pinanood na telenovela?
Tungkol sa nag-iibigan pero magkaaway ang angkan
Bakit ba merong awayan?
Nagmula sa tubig na pinag-aagawan
Sa Kwarto
Sweetham, ang hirap mag-budget ng pera
Oo nga honeycured, ang bilihin masyadong mahal na
Kailngan ko pa palang bumili ng bitamina
Para di madaling mauhaw sa tuwina
Sa isa pang kwarto
O ano ba yan?
Palala ng palala ang sakit mo Sebastian
Matanda na tayo eh, lola na atsaka lolo
O siya,siya.. inumin mo ‘tong gamot mo
Nguyain mo ng mabuti
Hay,sayang walang tubig, ang pait eh
Sa labas ng hardin
halamang plastik ang laman
Pagpapatubo ng totoo’y pinaghihirapan
Meron namang totoo
Kung saan nandun si Bantay na aso
Para walang may masira at para madiligan
Ng dilaw na tubig mula sa payat na katawan
Sa bakuran
Kung saan si Inday ay naglalaba
Bakit hindi na lang bumili ng bagong damit, saad niya
Ang iba nga diyan bumibili ng bagong damit
T inatapon pagkatapos ginamit
Kesa nahihirapan na naman siya araw-araw
Gumagamit pa ng Fabric softener walang banlaw
Gabi-gabi ang pamilya
Sa panalangin ay sinasama
Ang paghingi ng malinis na ulan mula sa langit
At hindi rin nakalimutang isingit
Ang paghingi ng tawad sa kasalanan
Sa tubig na noo’y naaksaya’t pinabayaan
Ito ang kwento
Ng Barrio Tuyo
Taong dalawang libo’t dalawampu
Kung saan ang tubig ay ubos na
At ang tao’y uhaw sa tuwina.
Isa Lang Naman
Si Lito
Napadaan
Dyan sa kanto
Na may “Bawal Umihi Dito”
May dalang kendi
Mula sa Nena’s tiangge
Nang nahulog ang supot
Di na pinulot
Kasi ang nasa isipan
Isa lang naman
Si Aleng Nena
Kumakain
Ng Ruben’s chicharon
Di na pinansin
Ang kanyang
supot na tinapon
Dyan lang sa may kanto
Na may “Bawal Umihi Dito”
Sarili’y sinabihan
Isa lang naman
Si Mang Ruben
Nag-oobserba
Si Joaquin lang nakakita
Ng tinapong basura
Isang trashbag na puno
Ng plastik,papel,at anu-ano
Kinalat sa kanto
Na may “Bawal Umihi Dito”
Pinilit sa isipan
Isa lang naman
Si Mang Joaquin
May iniwan
Nung gabing madilim
Isang sako ng kahihiyan
Basura’y pinakawalan
Kinalat,pinabayaan
Dyan sa may kanto
Na may “Bawal Umihi Dito”
Konsensya’y di pinakinggan
Kasi “Isa lang naman”
Si Kapitan
Sinagot
Ang tanong kung saan
Itatapon ang basurahan
Ng tinatamad na tao
Na malapit sa kanto
Sabi nya “Dyan sa kanto”
Na may “Bawal Umihi Dito”
At ang kanyang dahilan
Isa lang naman
Si Alkalde
Nagbulag-bulagan
Sa suliraning nasa harapan
Kanyang pinabayaan
Truck ng kahihiyan
Binalewala ang kanto
Na may “Bawal Umihi Dito”
Hindi na pinag-isipan
Kasi “Isa lang Naman”
Dyan sa kanto
Na may “Bawal Umihi Dito”
Bumaho,bumaha, sakit’y kumalat
Tubig na malinis naging salat
Kaya si Lito na may sakit
Napailing sa sinapit
Naitanong sa sarili
Ba’t ganito ang nangyari?
Baka dahil sa katwiran
na “Isa lang naman”.
Ang Libro ng Pagkasira
Sa unang araw
Sinabi ng taong “Bahala na”
Kaya sila’y walang ginawa
Sa gitna ng kaguluha’y nakatanga
Wala ng pakialam
Sa Inang kalikasan
Sa pangalawang araw
Sabi ng tao “Bahala kayo”
Inaapakan karapatan ng kapwa-tao
Mga babae’y di na nirespeto
Ibang buhay ay ginulo
Sinaksak,ninakawan at niloko
Sa pangatlong araw
Sabi ng tao “Mga hayop lang kayo”
Kaya di naawa sa pusa at aso
Pagkain na nga,ginawa pang baro
Laman at loob ay siyang niluluto
Kasamaan sa kanila di na natanto
Sa pang-apat na araw
Sabi ng tao, “Araw o gabi, wala ‘kong pakialam”
Kaya araw at gabi’y pinapipyestahan
Mga biyaya nitong kalikasan
Sa pag-abuso walang pakundangan
Araw’t gabi, motibo’y kasamaan
Sa panglimang araw
Sabi ng tao “Tubig at Lupa ay akin lamang”
Kaya puno’t halaman kanyang nilapastangan
Sinunog at kinalbo pati kabundukan
Karagatan nama’y kanyang tinapunan
Na para bang isang basurahan
Sa pang-anim na araw
Sabi ng tao “Malawak naman ang kalangitan”
Kaya ang hangin di pinagbigyan
Buga dito,buga dun, at buga lang diyan
Usok ay kinalat kung saan-saan
Di nakonsesya sa kanyang kasalanan
Sa pang-pitong araw
Ang sabi ng Diyos “Di niyo nasunod ang aking utos”
Tingnan niyo ang inyong ginawa
Sa aking mga nilikha
Kaya mundong sa tao’y pinaalagaan
Biglang nabalot ng kadiliman
Lahat ng ito’y iyong makikita
Iyong mababasa at mapupuna
Sa aklat na naglalahad
Ng katotohanang hubad
Aklat na tao rin ang gumawa
Ang tawag, Libro ng Pagkasira.
14 comments:
I hope you get the award, Kat! Best luck! Your works deserve more than just adulations to which they are credited for.! Kudos!
thank you so much emil! :) nosebleed ako dun ha..^^
kat, ngaa nag-psych-mgt ka? dapat psych-lit! no dapat CREATIVE WRITING!!! - jaiku ni.
you have a favor, you know it ate kat :) GO!
go kat :)
sana masungkit mo ang award. yey! ^^
@jaiko: love ko parin ang psych jaix. :) next time na lang ang malikhaing pagsusulat sa filipino kung may money na. heheh. Thank you so much jaix sa pag-support!^^
@sheann: tnx sheann, i know ikaw na ikaw yan. :)
@jec: salamat jec! :) sana suportahan mo.^^ yey!
Futuristic yong first poem. Pwede talagang mangyari, yong ibang tagpo nangyayari na.
Isa lang naman, dumadami at kapag naipon, malalang problema na, pwedeng itala sa libro ng pagkasira.
Good luck Kat
Hindi ko talaga ma-imagine ang future without water, but you made me realize that it is chillingly possible, sana wag mangyari at sana matuto na tayo, na para din sa mga darating na generations. Good luck, congratulations in advance, Merry Christmas na rin!
@jkulisap: Maraming salamat po kuya jkulisap sa pagbasa ng mga tula ko.^^
maraming salamat din sa pagbibigay kahulugan ng mga ito. :)
gandang araw sa'yo ginoong jkulisap! :)
@jonathanAquino: Sana nga wag mangyari..pero parang napapabayaan talaga ang kalikasan ngayon eh..
Salmat nga pala sa pagbabasa ng mga tula ko at pagbati sa'kin.^^
gandang araw sa'yo! :)
impressive gd ko sa imo, kat. you're one of the amazing few who have such an expert hold on our native language.
from your work alone, i can already see what type of person you are, what you find important, what influences you, etc... you're all of the good stuff. you care about the world.
may talent ka.. you should never stop working at this ha.. pinoy gold ka.
i wish you the best! :D
wow....ang ganda ng tula.... sana ay marami p akong mabasa na mga likha mo sa hinaharap...
Post a Comment